दुर्गे दुर्गटभारी तुजविण संसारी

दुर्गे दुर्गटभारी तुजविण संसारी
अनाथनाथे अंबे करुणा विस्तारी
वारी वारी जन्म मरणांतें वारी
हारी पडलो आता संकट निवारी॥१॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥
त्रिभुवनी भुवनी पाहता तुज ऐसे नाही
चारी श्रमले परंतु न बोलवे काही
साही विवाद करता पडले प्रवाही
ते तू भक्तांलागी पावसि लवलाही॥२॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥
प्रसन्नवदने प्रसन्न होशी निजदासा
क्लेशापासुन सोडी तोडी भवपाशा
अंबे तुजवाचून कोण पुरवील आशा
नरहरि तल्लिन झाला पदपंकजलेशा॥३॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥

प्रभू स्मरला, भक्त रंगला

प्रभू स्मरला, भक्त रंगला, प्रभूच्या त्या कीर्तनी.. मम आत्मा एकरूप झाला ||धृ||
सुख असे ते काय अन दुःखाचे फळ ते काय,
लोभी अशा मज माणसासी वैराग्याचे मोल ते काय?
वाजे मृदंग, वाजे चिपळ्या, वाजे हृदयाची मंद हुरहूर..
प्रभू स्मरला, भक्त रंगला, प्रभूच्या त्या कीर्तनी.. मम आत्मा एकरूप झाला ||धृ||

राहो चित्ती प्रेम तुझे, वाहिले जरी अश्रूंचे झरे,
परी मज ते ना उमजले, अंतरी भाव दाटुनी आले,
एक तो समर्थ असे, समर्थ मज करी जगण्या जीवन हे,
प्रभू स्मरला, भक्त रंगला, प्रभूच्या त्या कीर्तनी.. मम आत्मा एकरूप झाला ||धृ||

मी अज्ञानी, शुल्लक अणु, विश्वरूपी तू कसे पाहावे,
पुण्याचे करितो संचय, पापाचे जरी भारता घडे,
या धरती, या वाळवंटी, चालत आहे आत्मा तरी,
प्रभू स्मरला, भक्त रंगला, प्रभूच्या त्या कीर्तनी.. मम आत्मा एकरूप झाला ||धृ||